21.1.18

17.1.18

Duo haicua

Albulus æther
orta nebula noctu,
nondum demissa.


Frigida nocte,
solam cadit in viam
caditque gutta.

29.12.17

Duo haicua

Acuit rostrum
platano fere nuda
vesperi passer.


Ventosa nocte
lente mota nubium
moles albescens.

18.12.17

De quodam loco Matthæi

Heri apud Matthæum locum, qui sequitur, legi:

Videns autem Jesus turbas multas circum se, jussit ire trans fretum. Et accedens unus scriba ait illi: «Magister, sequar te, quocumque ieris». Et dicit ei Jesus: «Vulpes foveas habent, et volucres cæli tabernacula, Filius autem hominis non habet, ubi caput reclinet».

Ex quo loco juvit hæc excerpere verba:

Vulpes foveas
habent, tabernacula
volucres cæli.

16.12.17

Duo haicua


Ruber occasus
plumbeas fulgens inter
nubes terramque.


Agitans frondes
nocturna sub lampade
ventus in ramis.