20.9.17

Roseus fasciculus

Mane volitans
platani motacilla
per frondes alba.


In oleandro,
roseus fasciculus,
tres flores tantum.


Virescunt frondes,
per aera coeunt
anisoptera.

15.9.17

Feles, turtures, ventus

Insulæ portam 
feles noctu lustravit,
cito perrexit.


Pomeridie
repens fenestram quatit
September ventus.


Turtures duo
super muro distantes
aliquot passus.

10.9.17

Annus incipit alter

Annus post æstus in ludo jam incipit alter:
   est idem ludus, sunt homines alii.



Antelucana
præter Lunam quietam
nebula transit.



Die sub Luna
tecti super antenna
duæ merulæ.

6.9.17

Luna, passeres, nubes

Inter calorem
passeres in fruticis
umbra vescuntur.


Cito discedens
Luna plena flavaque
surgente die.


Quasi navium
sulci productæ nubes
cælum transeunt.

3.9.17

Umbrato horto

Surgente die,
pæne vultus offendit
vespertilio.



Evolat ex herba subito alati gregis alte
   altera primum pars, altera tum sequitur.



Vagatur auris
vesperi flantibus mens
velut amota.



Umbrato extremas frondes illuminat horto
   Sol simul infusus vesperis atque solo.



Flores amisit
oleander plerosque
cum novo mense.